Tuesday, November 11, 2014

কাঁচৰ ঘৰ

কাঁচৰ ঘৰৰ চিকমিকনিত দিশহাৰা
এটা ৰূপালী মাছৰ চৌপাশে
এখন সাগৰ

সাগৰেই ঘৰ
ঘৰ নে আশ্ৰয়
আহুকলীয়া প্ৰশ্নৰ মায়াত বন্দী
এজাক কৌতুহলী ৰূপালী মাছ

কাঁচৰ থুনুকা ঘৰ
নে মাছৰ থুনুকা মন

কোন গুছি যায় কাঁচৰ ঘৰ এৰি
নিমাত কৰি ৰূপালী মাছৰ গান।।



Saturday, November 1, 2014

মদিৰা আৰু সোঁৱৰণী পুৰণি হলেই ভাল

১)
অলেখ সতেজ উলাহৰ দৰে তুমি
স্মৃতিৰ দৰে অতীতৰ বতাহত উৰে তোমাৰ চুলি

আবেলিবোৰ সুৰময় হলেই গুছি আহা তুমি
কোনে কলে অতীত মানে মাথো সোঁৱৰণী বুলি-কোনে কলে

এতিয়াৰ দৰেই সজীৱ বহু অতীত
মদিৰা আৰু সোঁৱৰণী পুৰণি হলেই ভাল

(২)
বৰ আলফুলে সাঁচি থোৱা আছে
কিছু সুৰময় দিন
বুকুখন নিজান হলেই খুলি লওঁ সোৱৰণীৰ খিৰিকী
বতাহৰ স’তে উৰি আহে তোমাৰ গান

পুৱতি নিশাই সাঁৰ পালো আজি
তোমাৰ প্ৰিয় কবি অঘৰী হ’ল আজি কিছুপৰ ধৰি